Ons storie
Hoe het ons vonk begin?
VonkStronk het sy oorsprong op ’n sonnige dag in die landerye, terwyl ons besig was om mielies te stroop. Tussen die stof en die geur van 'n vars oes, het die vraag ontstaan: “Wat maak ’n mens met al hierdie stronke?” Die antwoord het sommer vinnig gekom – ons voorgeslagte het dit gebruik om vure aan te steek, en dit het elke keer gewerk.Met ’n tikkie kreatiwiteit en boereverstand het ons besluit om hierdie ou tradisie weer lewendig te maak. So is VonkStronk gebore – ’n eg-Suid-Afrikaanse manier om vuur te maak wat vinnig, doeltreffend en met ’n glimlag werk. Want kom ons wees eerlik: as jou stronk aan die gang is, begin dinge lekker te raak.
Met elke VonkStronk bou ons aan ’n nuwe tradisie van omgewingsvriendelike leef—waar kuier om die vuur net so warm is soos jou buurman se tong ná sy derde doppie. Ons glo in pret, veiligheid en ’n bietjie vonke… sommer by die braai én in die geselskap.
